१९ पुस, काठमाडौं । प्रिमियर लिगमा दोस्रो स्थानको चेल्सी र तेस्रो स्थानको लिभरपुलले २-२ को बराबरी खेल्दै अंक बाँडेका छन् ।
आइतबार राति चेल्सीको मैदान स्टानफोर्ड ब्रिजमा भएको खेलमा लिभरपुलले दुई गोलको अग्रता लिए पनि जोगाउन सकेन । चेल्सीले घरेलु मैदानमा पुनरागमन गर्दै अंक खोस्यो । चारै गोल पहिलो हाफमा भएको थियो ।
खेलको नवौं मिनेटमै साडियो मानेले गोल गर्दै लिभरपुललाई अग्रता दिलाएका थिए । २६औं मिनेटमा मोहम्मद सालाहले गोल गर्दै लिभरपुलको अग्रता दोब्बर पारे ।
तर चेल्सीले पहिलो हाफको अन्तिम तीन मिनेटमा दुई गोल फर्कायो ।
४२औं मिनेटमा चेल्सीका माटियो कोभासिचले गोल गर्दै खेललाई २-१ को स्थितिमा ल्याए ।
त्यसपछि पहिलो हाफको इन्जुरी टाइममा क्रिस्टियन पुलिसिचले गोल गर्दै खेल २-२ को बराबरीमा ल्याएका थिए ।
दोस्रो हाफमा दुवैतर्फ गोल भएन र खेल बराबरीमै सकियो ।
बराबरीपछि चेल्सीले २१ खेलबाट ४३ अंक जोडेको छ । चेल्सी अझै लिग लिडर म्यानचेष्टर सिटीभन्दा १० अंकले पछि छ । एक खेल कम खेलेको लिभरपुलको ४२ अंक भएको छ ।
source https://www.onlinekhabar.com/2022/01/1060848
0 comments:
Post a Comment