६ मंसिर, काठमाडौं । क्रोएसिया अर्को वर्ष जर्मनीमा हुने युरोकप २०२४ का लागि छनोट भएको छ । छनोट चरणको समूह ‘डी’ अन्तर्गत गएराति भएको खेलमा अर्नेनियालाई १-० ले पराजित गर्दै क्रोएसियाले युरोकपमा स्थान पक्का गरेको हो ।
क्रोएसियाका लागि एनटे बुडिमिरले एकमात्र गोल गरे । जितपछि ८ खेलबाट १६ अंक जोडेको क्रोएसिया समूह उपविजेताको रुपमा छनोट भएको हो ।
समूह ‘डी’ बाट टर्की यसअघि नै छनोट भइसकेको छ । अर्को खेलमा टर्की र वेल्सले १-१ को बराबरी खेले । यस बराबरीपछि १७ अंक जोडेर टर्की समूह विजेता बन्यो ।
१२ अंक जोडेर तेस्रो स्थानमा रहेको वेल्सले भने प्लेअफ खेल्नुपर्नेछ ।
source https://www.onlinekhabar.com/2023/11/1395215
0 comments:
Post a Comment