नायिका करिश्मा मानन्धरलाई आफू भावूक भएकै कारण विवादमा आउने गरेको भन्ने लाग्छ । सामाजिक संजालमा उनले लेखेको एउटा स्टाटसले पनि यही कुरा बताएको छ । करिश्माले लेखेकी छिन्–‘भावकु छु, त्यसैले विवादित छु । आत्मीय गुण छ त्यसैले फरक छु ।’
करिश्माले सामाजिक संजालमा लेख्ने गरेका कतिपय स्टाटसहरुको आलोचना पनि हुने गरेको छ । उनी आफू भावूक भएका कारण मनमा लागेको कुरालाई सामाजिक संजालमा व्यक्त गर्ने गरेको बताउँछिन् । 
उनी भन्छिन्–‘यदि तपाई आफूलाई प्रेम गर्न सक्नुहुन्न भने कुनै पनि कुरालाई प्रेम गर्न सक्नुहुन्न ।’
नायिका मानन्धरले लक डाउनपछि सामाजिक संजालमा व्यक्त गरेका कतिपय कुराहरुले प्रशंसा पाएका छन् भने कतिपय कुराहरु विवादित बनेका छन् ।
चलचित्र क्षेत्रमा लामो समयदेखि सक्रिय यी नायिका विशेषगरि, राजनीतिमा लागेपछि विवादित बन्न थालेकी हुन् ।
राजनीतिमा लागेपछि उनले गर्ने राजनीतिक टिप्पणीले पनि चर्चा बढी नै पाउने गरेका छन् । करिश्मा लक डाउनका कारण घरमै रमाइरहेकी छिन् भने सामाजिक सेवामा पनि सक्रिय छिन् । 
source https://www.onlinekhabar.com/2020/06/869318
0 comments:
Post a Comment