१६ असार, काठमाडौं । निजी सवारीसाधनलाई मात्र चल्न दिइएको विरोधमा ट्याक्सी व्यवसायीले प्रदर्शन थालेका छन् । लकडाउनको तीन महिनासम्म पनि काम नगर्न नपाएपछि दैनिक छाक टार्न समस्या भएको उनीहरुको भनाइ छ ।
मंगलबार बिहान ट्याक्सी व्यवसायी नयाँबानेश्वर–तीनकुने सडकखण्डको किनारमा ट्याक्सी पार्क गरेर प्लेकार्डसहित शान्तिपूर्ण प्रदर्शनमा उत्रिए ।
ट्याक्सी चालक तथा व्यवसायीहरुले ‘रोगले होइन, भोकले मर्ने भइयो सरकार’, घरबेटीले कोठा भाडा माग्यो सरकार’, ‘कि हामीलाई गरिखान देऊ, कि हामीलाई कामको व्यवस्था गरिदेऊ’, ‘ऋण थपियो, निन्द्र लागेन’ लगायतका नारा लेखिएका प्लेकार्ड बोकेका छन् । सो क्षेत्रमा उल्लेख्य संख्यामा नेपाल प्रहरी र ट्राफिक प्रहरीहरु खटाइएको थियो ।
कतिपय ट्याक्सी चालक गाडी निकालेर प्रदर्शनस्थलमा आउन क्रममै नियन्त्रणमा परेका थिए ।
सरकारले कोरोना संक्रमणको जोखिम रहेको भन्दै सार्वजनिक यातायातका साधन चलाउन रोक लगाएको छ । सरकारले लकडाउनको अहिलेको मोडललाई साउन ७ गतेसम्म निरन्तरता दिने निर्णय गरेको छ ।
याे पनि पढ्नुस्
भोकले मर्ने भइयो भन्दै प्रदर्शनमा उत्रिए ट्याक्सी व्यवसायी
लकडाउनविरुद्ध प्रदर्शनमा निस्किएका तीन सय ट्याक्सी नियन्त्रणमा
‘बैंकले ट्याक्सी लिलाम गर्ने भो, हामीलाई बाँच्न देऊ सरकार !’
source https://www.onlinekhabar.com/2020/06/877610
0 comments:
Post a Comment