२० वैशाख, काठमाडौं । क्यानडामा निरन्तर कोरोना भाइरसका संक्रमितको संख्या बढिरहेको छ । मुलुकको सबैजसो स्थानमा कोरोना भाइरसका संक्रमित फेला परिसकेका छन् ।
क्यानडाको आर्कटिक सर्कल नजिकको करिब ४० हजार मानिसको बसोवास रहेको नुनावुत क्षेत्रमा पनि कोरोना भाइरसका संक्रमित फेला परेका छन् ।
सरकारी तथ्यांक अनुसार अहिलेसम्म मुलुकभर ५३ हजार ६५७ संक्रमित फेला परिसकेका छन् । साथै तीन हजार २२३ जना मानिसको मृत्यु भइसकेको छ । क्यानडामा कोरोनाबाट मृत्यु हुनेमा ८९ प्रतिशत ७० वर्ष वा सोभन्दा बढी उमेरका मानिस छन् ।
नेशनल पोष्टमा प्रकाशित भएको विश्लेषणअनुसार अमेरिकामा पनि चीनबाट नभई क्यानडाबाट कोरोना भाइरस फैलिएको थियो । कोरोना भाइरस नियन्त्रणको लागि सरकारले लगाएको प्रतिबन्धको कारण अहिले उसको अर्थतन्त्रमा पनि नकारात्मक असर परेको बताइएको छ । स्रोत :बीबीसी
source https://www.onlinekhabar.com/2020/05/860197
0 comments:
Post a Comment