बलिउडको चमक–दमकमा बाँचेका कतिपय अभिनेत्रीको जीवनको उत्तरार्द्ध भने अत्यान्तै दुःखदायी रह्यो । त्यस्तै दुःखमा उनीहरुको गुमनाम मृत्यु पनि भयो । जस्तो सिल्क स्मिता । उनी दक्षिण भारतिय फिल्मकी सुपरस्टार थिइन् । तपाईंले फिल्म ‘डर्टी पिक्चर’ हेर्नुभएको छ भने सिल्क स्मिताबारे धेरै बताइरहनु नपर्ला । किनभने उक्त फिल्म सिल्क स्मिताकै जीवनमा आधारित थियो ।
खासमा उनको नाम विजयलक्ष्मी वडलाकपति थियो । तर, फिल्मी दुनियाँम प्रवेशपछि सल्क स्मिताको नामले प्रख्यात भए । १९९६ मा उनले आत्माहत्या गरिन् । उनी मदिराको कुलतमा थिइन् र आर्थिक अवस्था पनि एकदमै नाजुक थियो, त्यसबेला । पछि उनकै जीवनमा आधारित फिल्म पनि बन्यो, डर्टी पिक्चर ।
दिव्या भारती
९० को दशकमामा सुपरहिट बनेकी अभिनेत्री दिव्या भारतीको मृत्यु अझै रहस्यमयी छ । उनको मृत्यु पाँचौ तलामाथिबाट बज्रिएर भएको थियो । प्रहरी अनुसन्धानले त यसलाई आत्माहत्या नै भन्यो, तर यसलाई धेरैले पत्याएनन् । भने, दिव्या भारतीको हत्या भएको हो ।
जिया खान
केहि बर्षअघि जिया खानको मृत्यु भयो । उनी आफ्नै अपार्टमेन्टमा झुन्डिएकी अवस्थामा फेला परेकी थिइन् । तर, उनको आत्माहत्यालाई पनि अझै स्विाकार गरिएको छैन । आमा रयिबा खानले आदित्य पंचोलीका छोरा सूरजमाथि हत्याको आरोप लगाएकी छिन् ।
परवीन बाबी
परवीन बाबीको मृत्युलाई लिएर अहिलेपनि बलिउडमा अनेकौ अड्कलबाजी गरिन्छ । उनलाई आफ्नै कोठामा मृत्त अवस्थामा फेला पारिएको थियो । त्यो पनि मृत्यु भएको लामो समयपछि । खासमा उनी प्यारानाइड स्किजोफिनियाले ग्रस्त थिए । चिकित्सकका अनुसार उनको मृत्यु भोकको कारण भयो ।
विवेका बबाजी
भारतकी सर्वाधिक चर्चित मोडल विवेका बबाजीको मृत्यु निकै दुखद थियो । उनले आफ्नो फ्ल्याटमा फाँसी लगाएर आत्माहत्या गरेकी थिइन् । उनले आफ्नो डायरीमा केवल यति लेखेकी थिइन्, आइ किल । भनिन्छ, उनी ब्वाइफ्रेन्डका कारण पीडामा थिइन् ।
श्रीदेवी
बलिउड अभिनेत्री श्रीदेवीको मृत्यु असामान्य ढंगले भएको थियो । भनिन्थ्यो, साइलेन्ट हार्ट अट्याक्टको कारण उनको मृत्यु भयो । पोस्टमार्टम रिपोर्टमा उनले अल्कोहन सेवन गरेको भेटियो । मदिरा सेवन गरेर बाथरुम छिरेकी उनी बाथटपमा डुबिरहेको अवस्थामा भेटिएको थियो ।
उनको मृत्युबारे अनेक अड्कलबाजी गरिए । एकथरीले मृत्युको कारण एन्टि एजिङ पिल्स र कस्मेटिक सर्जरी पनि हुनसक्ने बताएको थियो । तर, फरेन्सिक रिपोर्टले अर्कै तथ्य देखायो । त्यस अनुसर दुर्घटनावस डुबेको कारण उनको मृत्यु भयो । अचम्मलाग्दो त के भने जतिबेला उनको मृत्यु भयो, त्यस बखत उनका श्रीमान बोनी कपुर सोही होटलमा थिए ।
source https://www.onlinekhabar.com/2020/05/860387
0 comments:
Post a Comment