१५ कात्तिक, काठमाडौं । अमेरिकी विदेशमन्त्री माइक पम्पियोको एसिया भ्रमणको विषयलाई लिएर चीन सरकारको मुखपत्र ग्लोबल टाइम्सले एक कडा सम्पादकीय प्रकाशित गरेको छ ।
सो सम्पादकीयमा भनिएको छ, ‘पम्पियो एक विग्रहकर्ता हुन् तर एसियामा अहिले निर्माण चाहिएको छ । निश्चिय नै एसिया क्षेत्रमा विभिन्नखाले विवादहरु रहेका छन् तर ती विवादहरुलाई क्षेत्रलाई डोमिनेट गर्न दिनु हुन्न । पम्पियो यो क्षेत्रका लागि विष भएका छन् । सामान्य अवस्थामा कोही पनि विष खान चाहँदैन । पम्पियो आए र गए तर एसियाली मुलुकले घर छेउको कुनै कुनामा रहेको विषको रुपमा मेमोरीमा राख्ने छन् ।’
सो पत्रिकाले भियतनाम, श्रीलंका, माल्दिभ्स लगायतका मुलुकमा पम्पियोले गरेका भ्रमण र त्यहाँ उनले व्यक्त गरेको विचारको समेत आलोचना गरेको छ । सो सम्पादकीयको शीर्षक छ ः पम्पियो एक विष जुन जसका विरुद्ध एसियाली मुलुकले आफूलाई जोगाउनुपर्छ ।
श्रीलंका भ्रमणको क्रममा पम्पियोले चीनलाई भक्षक भएको बताएका थिए ।
source https://www.onlinekhabar.com/2020/11/906565
0 comments:
Post a Comment