१२ जेठ, काठमाडौं । बैंक तथा वित्तीय संस्थाहरूले निष्कृय कर्जा घटाएका छन् । गतवर्ष भएको लकडाउनपछि बैंकहरूको निष्कृय कर्जा धेरै बढ्न सक्ने अनुमान गरिएको थियो । तर अनुमान विपरीत बैंकहरुले निष्कृय कर्जामा सुधार गरेका छन् ।
लामो समय भएको लकडाउनका कारण व्यापार व्यवसाय बन्द भए । लकडाउनमा बन्द भएका कतिपय उद्योगहरु अहिले पनि सञ्चालनमा आउन सकेका छैनन् । यस कारण पनि बैंकहरुको निष्कृय कर्जा बढ्ने अनुमान थियो ।
गतवर्ष २०७६ चैतसम्म सञ्चालनमा रहेका २७ वाणिज्य बैंकहरूको निष्कृय कर्जा १ दशमलव ६६ प्रतिशत रहेको थियो । चालु आर्थिक वर्षको ९ महिना अर्थात् २०७७ चैतसम्म आइपुग्दा निष्कृय कर्जा घटेर १ दशमलव ३८ प्रतिशतमा झरेको छ । लकडाउनपछि बैंकहरुले राम्रै परफरमेन्स देखाएको राष्ट्र बैंकले बताएको छ ।
राष्ट्र बैंकका प्रवक्ता देवकुमार ढकाल सामान्यतया दुई कारणले निष्कृय कर्जा घट्ने बताउँछन् । पहिलो– निष्कृय (एनपीएल) मा गएको कर्जा उठ्नु पर्यो । दोस्रो– नयाँ कर्जा बढ्नुपर्यो । गतवर्ष १८ देखि २० प्रतिशतसम्म कर्जा बढेको छ । यसको भूमिका पनि रहेको हुनसक्ने उनी बताउँछन् ।
‘उदाहरणका लागि आज कुनै बैंकको एक सय रुपैयाँ कर्जा थियो त्यसको २० प्रतिशत निष्कृय थियो’ उनले भने, ‘अब त्यहाँ कर्जा बढेर २ सय पुग्यो भने एनपीएल १० प्रतिशत देखिन्छ, यसकारण एनपीएलमा गइसकेको कर्जा उठेमा वा नयाँ कर्जा लगानी धेरै भएमा पनि निष्कृय कर्जा घट्छ ।’
नउठ्ने सम्भावना छ भने त्यस्तोलाई प्रोभिजन राख्नुपर्ने व्यवस्था छ । एक महिनासम्मलाई एक कर्जाको एक प्रतिशत प्रोभिजनमा राख्नुपर्छ । ३ महिनासम्म नउठेको ५ प्रतिशत कर्जालाई प्रोभिजन गरी सूक्ष्म निगरानी गर्नुपर्ने हुन्छ भने ६ महिनासम्म २५ र एक वर्षसम्म ५० प्रतिशत कर्जालाई यस्तो सूचीमा राख्नुपर्ने हुन्छ ।
तिर्नुपर्ने एक वर्षसम्म पनि कर्जा उठेन भने त्यस्तो शतप्रतिशत कर्जा नै निष्कृय कर्जाको रूपमा राख्नुपर्ने हुन्छ ।
कुन बैंकको कति छ निष्कृय कर्जा ?
चालु आर्थिक वर्षको नौं महिनामा सबैभन्दा कम निष्कृय कर्जा बनाउन एभरेष्ट बैंक सफल भएको छ । गत वर्षको ९ महिनमा ०.२० प्रतिशत रहेको निष्कृय कर्जालाई घटाएर नबिलले चालु आर्थिक वर्षको ९ महिनामा ०.१२ प्रतिशतमा झार्न सफल भएको छ ।
निष्कृय कर्जा कम हुने दोस्रोमा सानिमा बैंक देखिएको छ भने तेस्रोमा नेपाल नेपाल एसबीआई बैंक, चौथोमा एनआईसी एसिया बैंक र पाँचौंमा नविल बैंक देखिएको छ ।
सानिमा बैंकले निष्कृय कर्जा घटाएर ०.३६ बाट ०.२१ बनाएको छ भने नेपाल नेपाल एसबीआई बैंकको भने निष्कृय कर्जा ०.१९ बाट बढेर ०.२३ प्रतिशतमा पुगेको छ ।
उता एनआईसी एसियाको ०.७५ बाट ०.४७ र नबिल बैंककाे ०.६३ बाट ०.४८ प्रतिशतमा झरेको छ ।
हेर्नुस् कुन बैंकको निष्कृय कर्जा कति छ ?
| Bank | Mid Apr 2021 Chaitra End 2077 |
Mid April 2020 Chaitra End 2076 |
| Everest | 0.12% | 0.20% |
| Sanima | 0.21% | 0.36% |
| Nepal SBI | 0.23% | 0.19% |
| NIC Asia | 0.47% | 0.75% |
| Nabil | 0.48% | 0.63% |
| Standard Chartered | 0.50% | 0.22% |
| Machhapuchchre | 0.51% | 0.45% |
| Laxmi | 0.71% | 1.78% |
| Himalayan | 0.81% | 1.11% |
| Prime | 0.86% | 0.97% |
| Siddhartha | 0.88% | 2.24% |
| Bank of Kathmandu | 1.01% | 1.53% |
| Kumari | 1.09% | 0.98% |
| Civil | 1.13% | 2.96% |
| Mega | 1.31% | 1.32% |
| Prabhu | 1.48% | 2.95% |
| Global IME | 1.61% | 1.14% |
| Citizens | 1.83% | 0.97% |
| Nepal Bangladesh | 1.91% | 2.76% |
| Sunrise | 1.94% | 1.32% |
| NMB | 1.97% | 2.48% |
| Nepal Credit & Commerce | 2.05% | 2.75% |
| Nepal Bank | 2.29% | 2.64% |
| Nepal Investment | 2.32% | 2.67% |
| Century | 2.96% | 2.19% |
| Agriculture Dev | 3.08% | 3.65% |
| Rastriya Banijya Bank | 3.62% | 3.65% |
| Average | 1.38 % | 1.48 % |
source https://www.onlinekhabar.com/2021/05/960439
0 comments:
Post a Comment