१७ असार, काठमाडौं । प्रिमियर लिग क्लब टोटेनहम हट्सपरले पोर्चुगिज प्रशिक्षक नुनो स्पिरितो सान्टोलाई मुख्य प्रशिक्षकमा नियुक्त गरेको छ ।
प्रिमियर लिगकै वल्भ्सका पूर्व प्रशिक्षक नुनोले टोटेनहमसँग दुई वर्षको सम्झौता गरेका छन् ।
यसअघि टोटनहमले जोसे मोरिन्होलाई बर्खास्त गरेपछि पूर्व खेलाडी रायन मासनले अन्तरिम प्रशिक्षकको रुपमा काम गरेका थिए ।
टोटनहमको प्रशिक्षक बनेपछि नुनोले यो आफ्नो लागि सम्मान भएको बताए । ‘टोटेनहमसँग जोडिनु एकदमै खुशी र सम्मान हो । म खुशी छु र टोटनहममा काम गर्न तयार छु,’ सम्झौतापछि नुनोले भनेका छन् ।
केही दिनपछि नै प्रिसिजन सुरु हुने भएकाले अब तत्काल काम अगाडि बढाउने उनले बताए ।
नुनोले चार सिजनपछि वल्भ्स छाडेका थिए ।
source https://www.onlinekhabar.com/2021/07/976998
0 comments:
Post a Comment