काठमाडौं । आनन्द अधिकारीका शब्दमा आशिष अविरलले संगीत र एरेन्ज गरेको ‘फूलैफूल दिन्छौ कि’ गीतको फिमेल भर्सन पनि युट्युब ट्रेन्डिङमा आएको छ ।
यसअघि शिव परियारको स्वरमा रहेको यो गीतलाई अस्मिता अधिकारीको स्वरमा रेकर्ड गरेर म्युजिक भिडियो बनाइएको छ । दुई दिन अघिमात्र आशिष अविरलको युट्युब च्यानलबाट सार्वजनिक भएको यो गीत एक लाखभन्दा बढीले हेरिसकेका छन् ।
यसबाट उत्साहित भएका आशिष भन्छन्, ‘यसअघि शिव परियारले गाएको यो गीत युट्युबमा लामो समयसम्म शीर्ष स्थानमा रहेको थियो । अहिले अस्मिता अधिकारीले गाएको गीतलाई पनि दर्शक स्रोतहरुले रुचाइदिनु भएको छ ।’ गीत राम्रो बनेको भनेर धेरै जनाबाट सकारात्मक प्रतिक्रिया पाउँदा आफू उत्साहित भएको पनि उनले बताए ।
आशिषकै राग स्टुडियोमा रेकर्ड भएको गीतको म्युजिक भिडियोमा सोनिका भण्डारी, प्रभात पल, सन्जय ढुंगाना, प्रतिक गौतम र सगुन तामाङको अभिनय छ । म्युजिक भिडियोको निर्देशन विकास प्रसाईंले गरेका छन् ।
हेर्नुहोस् म्युजिक भिडियो–
source https://www.onlinekhabar.com/2023/01/1244245
0 comments:
Post a Comment