१९ वैशाख, काठमाडौं । क्रोटोनलाई २-० ले पराजित गर्दै इन्टर सिरी एको उपाधि नजिक पुगेको छ । जितपछि इन्टरले दोस्रो स्थानको एसी मिलानमाथि १३ अंक अग्रता बनाएको छ ।
बेनेभेन्टोलाई २-० ले नै पराजित गर्दै मिलान दोस्रो स्थानमा उक्लेको हो ।
क्रोटोनको मैदानमा भएको खेलमा इन्टलरे दुवै गोल दोस्रो हाफमा गरेको थियो । ६९औं मिनेटमा क्रिस्टियन एरिक्सन र इन्जुरी टाइममा अच्रफ हिकमीले गोल गरे ।
जितपछि इन्टरको ३४ खेलबाट ८२ अंक भएको छ ।
एसी मिलानको समान खेलबाट ६८ अंक छ । तेस्रो स्थानमा रहेको एटलान्टाको ३३ खेलबाट ६८ अंक छ ।
यस्तै एटलान्टा अब हुने खेलमा ससुलोसँग पराजित भएमा इन्टर चार खेल अघि नै च्याम्पियन बन्नेछ ।
सन् २००९-१० मा पछिल्लो पटक उपाधि जितेको इन्टर एक दशक पछि सिरी एको उपाधि नजिक पुगेको छ ।
source https://www.onlinekhabar.com/2021/05/950209
0 comments:
Post a Comment