१९ जेठ, काठमाडौं । आगामी जुन-जुलाईमा हुने युरोकप २०२० का लागि इंग्ल्यान्डको अन्तिम टोली घोषणा भएको छ ।
मुख्य प्रशिक्षक ग्यारेथ साउथगेटले मंगलबार प्रारम्भिक चरणमा छनोट भएका ३३ जनाबाट २६ सदस्यीय अन्तिम टोली घोषणा गरेका हुन् ।
युरोकपको १६औं संस्करण जुन ११ देखि जुलाई ११ सम्म युरोपका विभिन्न ११ सहरमा आयोजना हुँदैछ । त्यसका लागि जुन १ सम्म २६ सदस्यीय अन्तिम टोलीको नाम घोषणा गरिसक्नुपर्ने नियम अनुसार इंग्ल्याण्डले टिम घोषणा गरेको हो ।
कोरोना महामारीका कारण यसपटक युरोपियन फुटबलको सर्वोच्च निकाय युईएफएले एक टोलीमा २६ खेलाडी राख्न पाउने प्रावधान बनाएको हो ।
प्रारम्भिक चरणमा छनोट भएका म्यानचेष्टर युनाइटेडमा मासोन ग्रिनउडले अन्तिम टिम छान्नुअघि नै आफ्नो नाम फिर्ता लिइसकेका थिए ।
त्यसपछि प्रारम्भिक चरणमा रहेकामध्ये गोलकिपर आरोन राम्सडाले, डिफेण्डरद्वय बेन गोडफ्रे र बेन ह्वाइट, मिडफिल्डरद्वय जेस लिनगार्ड र जेम्स वार्ड प्रोवस तथा फरवार्ड ओली वाट्किन्स अन्तिम टिममा पर्न सकेनन् ।
गत सिजन राम्रो खेल्न नसकेका लिभरपुलका डिफेण्डर ट्रेन्ट अलेक्जान्डर आर्नोल्ड भने अन्तिम टिममा अटाएका छन् ।
युरोकपमा इंग्ल्याण्ड समूह बी मा छ । यस समूहमा क्रोएसिया, स्कटल्याण्ड र चेक रिपब्लिक पनि छन् ।
इंग्ल्याण्डले जुन १३ मा क्रोएसियासँग वेम्बली मैदानमा पहिलो खेल खेल्नेछ।
२६ सदस्यीय इंग्लिस टोली
गोलकिपर : जोर्डन पिकफोर्ड, डिन हेन्डरसन, साम जोनस्टन
डिफेण्डर : केल वाल्कर, जोन स्टोन्स, ह्यारी मगुएरे, किएरन ट्रिपिएर, बेन चिलवाल, ट्रेन्ट अलेक्जान्डर आर्नोल्ड, लुक शा, ट्राओन मिङ्ग्स, रिस जेम्स, कोनोर कोएडी
मिडफिल्डर : जोर्डन हेन्डरसन, मासोन माउन्ट, डेक्लान राइस, काल्भिन फिलिप्स, जुड बेलिङगहम
फरवार्ड : रहिम स्टरलिङ, ह्यारी केन, बुकायो साका, फिल फोडेन, ज्याक ग्रेगलिस, मार्कुस रासफोर्ड, जाडोन सान्चो, डोमिनिक काल्भार्ट लेविन
source https://www.onlinekhabar.com/2021/06/963521
0 comments:
Post a Comment