१९ पुस, काठमाडौं । साझा प्रकाशनले हिउँदे यामको अवसरमा पुस्तक प्रदर्शनी आयोजना गरेको छ । साझा प्रकाशनको केन्द्रीय कार्यालय पुल्चोक ललितपुर र देशभरका सबै बिक्री कक्षमा पुस १७ देखि थालिएको प्रदर्शनी ३० गतेसम्म रहनेछ ।
हिउँदे बिदामा रहेका विद्यालय तथा विश्वविद्यालयका विद्यार्थीलाई पुस्तक किन्न सजिलो होस् भन्ने उद्देश्यले प्रदर्शनी आयोजना गरेको साझा प्रकाशनले जनाएको छ । ३ रुपैयाँदेखि २८ सयसम्मका पुस्तक उपलब्ध प्रदर्शनीमा साझाले यसैवर्ष प्रकाशित गरेको राष्ट्रकवि माधवप्रसाद घिमिरेको महाकाव्य ‘ऋतंभरा’ पनि उपलब्ध छ ।
प्रदर्शनीमा यस वर्षको मदन पुरस्कार विजेता भगिराज इङनामको ‘लिम्बुवानको ऐतिहासिक दस्तावेज संग्रह’, साझाबाट भर्खरै प्रकाशित दामोदर पुडासैनी ‘किशोर’ को ‘डोेल्पो ओ डोल्पो’ र श्रीबाबु कार्कीको ‘संदिग्ध शताब्दी’देखि नेपाली भाषा प्रकाशिनी समितिको श्रीमद्भागवत महापुराणसम्म छन् ।
साझाको प्रदर्शनीमा नेपाल प्रज्ञा प्रतिष्ठान र सिनासदेखि व्यक्तिसम्मका प्रकाशनहरू छन् । प्रदर्शनीमा २५ देखि ८० प्रतिशतसम्म छुटको व्यवस्था रहेको साझा प्रकाशनले जनाएको छ ।
0 comments:
Post a Comment