१८ असोज, वीरगञ्ज । चोरी मुद्दामा फरार एक अभियुक्तलाई प्रहरीले वीरगञ्जबाट पक्राउ गरेको छ । वीरगञ्ज महानगरपालिका–२, छपकैया बस्ने २० वर्षीय सफरेज देवान पक्राउ परेका हुन् ।
पर्सा जिल्ला अदालतले देवानलाई चोरी मुद्दामा दोषी ठहर गर्दै ०७५ जेठ १ गते १ महिना कैद र रु ५० हजार रुपैयाँ जरिवानाको फैसला सुनाएको थियो । तर, उनी फैसला सुनाएलगत्तैदेखि फरार थिए ।
वडा प्रहरी कार्यालय, बिर्ता पर्साबाट खटिएको प्रहरी टोलीले खोजतलास गर्ने क्रममा देवानलाई असोज १७ गते लुकिछिपी बसेको अवस्थामा फेला पारेको जिल्ला प्रहरी कार्यालय, पर्साले जनाएको छ ।
उनलाई आवश्यक कारबाहीका लागि पर्सा जिल्ला अदालत पठाउने तयारी प्रहरीले गरेको छ ।
source https://www.onlinekhabar.com/2019/10/801433
0 comments:
Post a Comment