१५ मंसिर, काठमाडौं । धरान उपमहानगरपालिकाको मेयरका लागि भएको उपनिर्वाचनमा नेकपा र कांग्रेसबीच कडा प्रतिस्पर्धा देखिएको छ । ३ वडाको मतगणना सकिँदा नेकपा उम्मेदवारले कांग्रेस उम्मेदवारलाई झिनो मतले पछि पारेका छन् ।
जारी मतगणना अनुसार नेकपा उम्मेदवार प्रकाश राईले २३०९ मत हासिल गरेका छन् । उनलाई कांग्रेस उम्मेदवार तिलक राईले कडा टक्कर दिइरहेका छन् । राईले १७ मत कम अर्थात २२९२ मत हासिल गरेका छन् ।
धरान उपमहानगरपालिकाको १८, १९ र २० वडाको मतगणना सकिँदा समाजवादी पार्टीले ७८ र लिम्बुवानले १३१ मत बटुलेका छन् ।
अहिले उपमहानगरपालिकाको १७ वडाको मतगणना भइरहेको छ ।
source https://www.onlinekhabar.com/2019/12/815986
0 comments:
Post a Comment