१८ माघ, सिन्धुली । मोटरसाइकल दुर्घटना हुँदा सिन्धुलीमा दुई जनाको मृत्यु भएको छ । बीपी राजमार्गअन्तर्गत कमलामाई नगरपालिका-७ मा प्रदेश नं. २ को ०२-००१ प २५१० नम्बरको मोटरसाइकल दुर्घटना हुँदा दुई जनाको मृत्यु भएको हो ।
मृत्यु हुनेमा मोटरसाइकल चालक धनुषाको महेन्द्रनगर-२ घर भई हाल छिरेश्वर नगरपालिका-६ निवासी २४ वर्षीय सुनिलकुमार राय राजपुत र मोटरसाइकल पछाडि सवार सोही ठाउँका २३ वर्षीय कृष्णकुमार गुप्ता छन् । दुवैको घटनास्थलमा नै मृत्यु भएको जिल्ला प्रहरी कार्यालय सिन्धुलीका प्रहरी उपरीक्षक रञ्जु सिग्देलले जानकारी दिए ।
शनिबार बिहान सिन्धुलीबाट भिमानतर्फ जाँदै गर्दा आफैं अनियन्त्रित भई सडकबाट १५ फिट तल खसेर मोटरसाइकल दुर्घटना भएको थियो ।
source https://www.onlinekhabar.com/2020/02/832902
0 comments:
Post a Comment