शुक्रबारदेखि रिलिजमा आएको चलचित्र ‘सेन्टी भाइरस’को विशेष शो आइतबार बेलुकी काठमाण्डौको कुमारी हलमा आयोजना गरिएको छ । रामबाबु गुरुङ निर्देशित यो चलचित्रले शुक्रबार र शनिबार सुखद व्यापार गरेको थियो । आइतबारदेखि भने चलचित्रको व्यापार कमजोर छ ।
निर्माणपक्षले आइतबार बेलुकी आयोजना गरेको चलचित्रको विशेष शोमा नेतादेखि कलाकारसम्म पुगेका थिए । नेपाली कांग्रेसका प्रवक्ता विश्वप्रकाश शर्मा, निर्वाचन आयोगका प्रमुख दिनेश थपलियादेखि नायक पल शाह, नायिका पुजा शर्मा, निर्देशक सुदर्शन थापा, कलाकार सन्तोष पन्त चलचित्र हेर्न पुगेका थिए । 
चलचित्र हेरेका अधिकांशले समसामयिक राजनीतिक परिवेशमा चलचित्र बनेको भन्दै प्रशंसा गरे । नेपाली कांग्रेसका प्रवक्ता शर्माले गौतमवुद्ध अन्तरराष्ट्रिय रंगशाला निर्माण सहयोगार्थ भएकाले पनि चलचित्र हेर्न आग्रह गरे ।
नायक पल शाह र नायिका पूजा शर्माले चलचित्रले अहिलेको राजनीतिक परिघटना उठान गरेको भन्दै प्रशंसा गरे । 
तस्वीरः आर्यन धिमाल
source https://www.onlinekhabar.com/2020/02/839149
0 comments:
Post a Comment