१५ पुस, काठमाडौं । लिग लिडर म्यानचेष्टर सिटीले प्रिमियर लिगमा ब्रेन्टफोर्डलाई १-० ले पराजित गरेर ८ अंकको अग्रता बनाएको छ ।
ब्रेन्टफोर्डको मैदानमा भएको खेलमा सिटीका लागि फिल फोडेनले पहिलो हाफमा गरेको गोल नै निर्णायक बन्यो । १६औं मिनेटमा फोडेन केभिन डे ब्रुएनाको पासमा गोल गरेका थिए । एमरिक लापोर्टाले ८७औं मिनेटमा गोल गरेपछि अफसाइड भएको थियो ।
जितपछि सिटीले २० खेलबाट ५० अंक जोड्दै दोस्रो स्थानको चेल्सीमाथि ८ अंकको अग्रता बनाएको छ ।
चेल्सी अन्तिम सममया गोल खाँदा ब्राइटनसँग १-१ को बराबरीमा रोकिएको छ । रोमेलु लुकाकुले २८औं मिनेटमा गोल गर्दै चेल्सीलाई अग्रता दिएको थियो । तर इन्जुरी टाइममा डानी वेलब्याकले ब्राइटनका लागि बराबरी गोल गर्दै अंक खोसे ।
source https://www.onlinekhabar.com/2021/12/1059238
0 comments:
Post a Comment