१८ भदौ काठमाडौं । विश्वकप छनोट अन्तर्गत युरोपेली छनोटमा इंग्ल्याण्ड बेल्जियम र जर्मनीले जित हात पारेका छन् । इटली बराबरीमा रोकिँदा स्पेन भने पराजित भएको छ ।
समूह ‘आई’ मा रहेको इंग्ल्याण्डले शतप्रतिशत जित हात पार्ने क्रममा हंगेरीलाई ४-० ले हरायो । इंग्ल्याण्डका लागि रहिम स्ट्रलिङ, ह्यारी केन, ह्यारी मगुएर र डेक्लान राइसले एक/एक गोल गरे ।
यस समूहमा इंग्ल्याण्ड ४ खेलबाट १२ अंकसहित शीर्ष स्थानमा छ । यसै समूहको अर्को खेलमा अल्बानियालाई ४-१ ले पराजित गरेको पोल्याण्ड ७ अंकसहित दोस्रो स्थानमा छ ।
समूह ‘ई’ मा बेल्जियमले इस्टोनियालाई सहजै ५-२ ले हरायो । माटिएस काएटले पहिले गोल गर्दै इस्टोनियालाई अग्रता दिलाए पनि त्यसपछि बेल्जियमका लागि रोमेलु लुकाकु २ तथा हान्स भानाकेन, एक्सल विटसल र थोमस पोकेटले एक/एक गोल गरे ।
इस्टोनियाका एरिक सोर्गाले अन्तिममा अर्को गोल गरे । अपराजित बेल्जियम ४ खेलबाट १० अंकसहित समूहको शीर्ष स्थानमा छ ।
यस्तै समूह ‘जे’ मा जर्मनीले लिचेस्टाइनलाई २-० ले हरायो । जर्मनीका लागि टिमो वेर्नर र लरेय सानेले गोल गरे । ४ खेलबाट ९ अंकसहित जर्मनी दोस्रो स्थानमा छ । अर्मेनिया नर्थ मेसोडेनियासँग गोलरहित बराबरी खेलेपनि ४ खेलबाट १० अंकसहित शीर्ष स्थानमा छ ।
source https://www.onlinekhabar.com/2021/09/1008026
0 comments:
Post a Comment