काठमाडौं । अंशु फातीले पुनरागमन गर्दै गोल गर्दा बार्सिलोनाले स्पानपिस ला लिगामा आइतबार लेभान्टेलाई ३-० ले पराजित गरेको छ ।
घरेलु मैदानमा नोउ क्याम्पमा बार्सिलोनाका लागि डच खेलाडीद्वय मेम्फिस डिपाए र लुक डे जोङले पनि एक/एक गोल गरे ।
चोटका कारण लामो समयसम्म मान बाहिर रहेका युवा स्टार फातीले ११ महिनापछि पुनरागमन गर्दै गोल गरेका हुन् । ८१औं मिनेटमा मैदान प्रवेश गरेका उनले इन्जुरी टाइममा गोल गरेका थिए ।
दुई दशकपछि लिओनल मेस्सीले बार्सिलोना छाडेपछि फातीलाई क्लबले १० नम्बरको जर्सी दिएको थियो । फातीले नयाँ जर्सी लगाएर पहिलो खेलमै गोल गरे ।
त्यसअघि खेलको छैटौं मिनेटमै डीपाएले पेनाल्टीमा गोल गर्दै बार्सिलोनालाई अग्रता दिलाएका थिए । यस्तै १४ औं मिनेटमा डे जोङले गोल गर्दै बार्सिलोनाको अग्रता दोब्बर पारेका थिए।
जितपछि ६ खेलबाट १२ अंक जोडेको बार्सिलोनाले अंकतालिकामा पाँचौ स्थानमा उक्लेको छ । ७ खेलबाट १७ अंक जोडेको रियल मड्रिड शीर्ष स्थानमा छ । लेभान्टे ४ अंकसहित १७औं स्थानमा छ।
source https://www.onlinekhabar.com/2021/09/1018859
0 comments:
Post a Comment