१५ असोज, काठमाडौं। इंग्लिस क्लब लेस्टर सिटी र इटालियन क्लब नापोली युरोपा लिगमा पराजित भएका छन् ।
गएराती भएको समूह जी को खेलमा लेस्टर पोलिस क्लब लेगिया वार्सासँग १-० ले पराजित हुँदा नापोली रसियन क्लब स्पार्टाक मस्कोसँग ३-२ ले पराजित भयो ।
वार्सालाई जित दिलाउन माहिर इम्रेलीले ३१औं मिनेटमा निर्णायक गोल गरे । उनले खेलको ३१ औं मिनेटमा गोल गरेका थिए।
लगातार दोस्रो जितपछि वार्सा समूह सी मा ६ अंक जोडेर शीर्ष स्थानमा छ । लेस्टर १ अंकसहित पुछारमा छ ।
अर्को खेलमा नापोलीले पहिले अग्रता लिएपनि मस्कोले पुनरागमन जित हात पारेको हो । दुवै टिमका एक एक खेलाडीले रातो कार्ड पाएपछि दश खेलाडीमा रहेर खेलको अन्त्य गरेका थिए ।
मस्कोका लागि स्वीन्सी प्रोम्सले दुई तथा मिखाइल इगनाटोभले एक गोल गरे । नापोलीका लागि एलजिफ एलमास र भिक्टो ओसिमहेनले गोल गरे ।
नापोलीका मारियो रुई २९औं मिनेटमा रातो कार्ड पाउँदै मैदानबाट बाहिरिएका थिए । मस्कोका म्याक्सिमिलियानो काउफ्रिज ८२औं मिनेटमा दोहोरो पहेँलो कार्ड पाउँदै मैदानबाट बाहिरिए ।
समूहमा पहिलो जितपछि २ खेलबाट ३ अंक जोडेको मस्को दोस्रो स्थानमा छ । नापोली १ अंकसहित चौथो स्थानमा छ ।
युरोपा लिगकै अन्य खेलमा जर्मन क्लब बायर्न लेभरकुजनले सेल्टिकलाई ४-० ले पराजित गरेको छ ।
source https://www.onlinekhabar.com/2021/10/1020795
0 comments:
Post a Comment