२३ जेठ, काठमाडौं । एएफसी यू-२० महिला एसियन कप छनोटको दोस्रो चरणको पहिलो खेलमा नेपालले आज घरेलु टोली म्यानमारको सामना गर्दैछ ।
नेपाल र म्यानमारबीचको यानगोनस्थित थुवुन्ना स्टेडियममा नेपाली समय अनुसार साँझ ५:४५ बजे सुरु हुनेछ ।
नेपालभन्दा माथिल्लो वरीयताको टोली भए पनि उच्च मनोबलका साथ नेपालका प्रशिक्षक यामबहादुर गुरुङले बताएका छन् ।
सोमबार आयोजित प्रि-म्याच कन्फरेन्समा नेपाली टोलीका मुख्य प्रशिक्षक यमप्रसाद गुरुङले हरेक खेल जित्नकै लागि खेल्ने बताए ।
‘पहिलो चरणको सफलताले टिमको मनोबल बढाएको छ । टिममा एकता छ, हामी कुनै पनि टिमलाई हराउन सक्ने टिम छ । हामी हरेक म्याच जित्नकै लागि खैल्छौँ,’ गुरुङले भने, ‘फिफा वरीयतामा हामीभन्दा माथl भएका टिमहरु छन् तर हामी उच्च मनोबलका साथ मैदान उत्रनेछौँ ।’
समूह बी मा रहेको नेपालले जुन ८ मा चीन र जुन १० मा चाइनिज ताइपेइसँग खेल्नेछ । चीन नेपालको समूहको बलियो टोली हो । नेपालले कम्तीमा दुई टोलीलाई हराउँदै प्रतियोगिताको अन्तिम चरणमा स्थान बनाउने लक्ष्य राखेको छ ।
समूहका शीर्ष दुई टोली अन्तिम चरणमा छनोट हुनेछन् । दोस्रो चरणमा ८ टोलीले प्रतिस्पर्धा गर्नेछन् ।
जसमा समूह ए बाट अष्ट्रेलिया र घरेलु टोली भियतनामले अन्तिम चरणमा स्थान पक्का गरिसकेका छन् ।
यसअघि गत मार्चमा प्यालेस्टाइनमा भएको पहिलो चरणको छनोटमा समूह बी को विजेता बन्दै नेपाल दोस्रो चरणमा पुगेको हो ।
source https://www.onlinekhabar.com/2023/06/1318262
0 comments:
Post a Comment