३ कात्तिक, पोखार । दशौं राष्ट्रिय खेलकुद-२०८१ आयोजनाको झण्डा कर्णाली प्रदेशलाई हस्तान्तरण गरिएको छ । बिहीबार पोखरा रंगशालामा नवौं राष्ट्रिय खेलकुदको समापन समारोहका अवसरमा प्रमुख अतिथि प्रधानमन्त्री शेरबहादुर देउवाले दशौं राष्ट्रिय खेलकुदको झण्डा कर्णालीलाई हस्तान्तरण गरेका हुन् ।
राष्ट्रिय खेलकुद परिषद् (राखेप)का संरक्षक समेत रहेका देउवाले दशौँ आयोजनाको झण्डा कर्णाली प्रदेशका सामाजिक विकास मन्त्री यज्ञबहादुर बिसीलाई हस्तान्तरण गरे ।
राष्ट्रिय खेलकुद परिषद् (राखेप)को बोर्ड बुधबार बसेको बोर्ड बैठकले दशौं राष्ट्रिय खेलकुद कर्णाली प्रदेशमा २०८१ सालमा आयोजना गर्ने निर्णय गरेको थियो ।
समापन समारोहका अवसरमा राखेपका सदस्य सचिव टंकलाल घिसिङले दशौँ राष्ट्रिय खेलकुद मंसिर २ देखि ९ गतेसम्म कर्णाली प्रदेशमा आयोजना हुने घोषणा गरेका थिए ।
कर्णाली प्रदेश पहिलो पटक राष्ट्रिय खेलकुद आयोजक छनोट भएको हो ।
source https://www.onlinekhabar.com/2022/10/1207826
0 comments:
Post a Comment