काठमाडौं । फ्रान्सको राजधानी पेरिसस्थित प्रसिद्ध आइफिल टावरमा साम्राज्ञी शाह स्टारर नेपाली फिल्म ‘लण्डन टु पेरिस’को छायांकन हुने भएको छ । फिल्मको बाँकी २५ प्रतिशत छायांकन अर्को सातादेखि पेरिसका विभिन्न थलोमा हुने निर्देशक घनश्याम लामिछानेले जानकारी दिए ।
फिल्मका मुख्य कलाकारहरु साम्राज्ञी र निश्चल खड्कालाई लिएर निर्देशक लामिछाने अर्को साता पेरिसतर्फ उड्दैछन् । ‘हामी पेरिस सुटिङको अन्तिम तयारीमा छौं,’ भिजा प्रोसेसको लागि सोमबार दिल्लीतर्फ उड्नुअघि निर्देशक लामिछानेले भने ।
भ्यालेन्टाइन्स डे अर्थात् फागुन ५ गते रिलिज हुने तयारीमा रहेको फिल्मको अघिल्लो चरणको छायांकन बेलायतमा भइसकेको छ ।
यसैबीच, फिल्मको प्रदर्शन मिति पछि सर्ने हल्लाको निर्देशक लामिछानेले खण्डन गरे । ‘लभस्टोरी फिल्म भएकाले हामी भ्यालेन्टाइन्स डेकै अवसरमा आउनेछौं,’ उनले भने । फिल्ममा कबीर खड्का र गरिमा शर्माको समेत प्रमुख भूमिका छ ।
source https://www.onlinekhabar.com/2022/10/1211083
0 comments:
Post a Comment