२५ वैशाख, काठमाडौं । ललितपुरको इमाडोलमा मोटरसाइकल र ट्याक्सी ठोक्किंदा मोटरसाइकल चालक गम्भीर घाइते भएका छन् ।
बागमती प्रदेश-०२-०३० प ८३५९ नम्बरको मोटरसाइकल र बा २ ज ५४४७ नम्बरको ट्याक्सी शनिबार बेलुकी साढे ८ बजे आपसमा ठोकिएका थिए । दुर्घटनामा काठमाडौं न्यूरोडका ४० वषर्ीय उज्ज्वल मल्ल घाइते भएको प्रहरीले जनाएको छ । उनको उपचार इमाडोल स्थित किष्ट अस्पतालमा उपचार भइरहेको छ ।
चितवनमा दुई जना घाइते
यसैगरी चितवनको इच्छाकामना गाउँपालिका २ काउने दुम्किनमा शनिबार साँझ ६ बजे ना ६ त ९७८९ नम्बरको ट्याकटर दुर्घटना हुँदा २ जना घाइते भएका छन् । घाइतेमध्ये एक जनाको अवस्था गम्भीर छ ।
दुर्घटनामा घाइते भएका स्थानीय ११ वर्षीय प्रदीप चेपाङ र १६ वषर्ीय सोम बहादुर गुरुङको भरतपुरस्थित कलेज अफ मेडिकल साइन्समा उपचार भइरहेको छ । प्रदीपको तुलनामा सोमबहादुरको अवस्था गम्भीर रहेको चितवन प्रहरीले जनाएको छ ।
source https://www.onlinekhabar.com/2022/12/1231064
0 comments:
Post a Comment