काठमाडौं । शुक्रबारदेखि प्रदर्शनमा आएको फिल्म ‘डिसेम्बर फल्स’को दोस्रो श्रृंखला निर्माण हुने भएको छ । निर्माताले फिल्मको ‘पोस्ट-क्रेडिट’मार्फत सिक्वेलको घोषणा गरेका हुन् ।
युरोपेली मुलुक चेक रिपब्लिकको राजधानी प्रागमा छायांकन गरिएको दृश्यलाई पनि समेटिएको छ जहाँ उपासनासिंह ठकुरीलाई चित्रण गरिएको छ ।
जसको अर्थ, सिक्वेलमा उपासना हुने निश्चित छ । तर, आर्यन सिग्देल हुने वा नहुने बारेमा संकेत दिइएको छैन । ‘तिमीले महसुस गर्नेछौं, म अहिले पनि जीवितै छु’ लेखिएको पत्र प्राप्त गरेपछि उपासना अचम्मित भएको दृश्यसँगै ‘डिसेम्बर फल्स’ सकिएको छ ।
सन् २०२३ को डिसेम्बरमा फिल्म रिलिज हुने समेत त्यहाँ उल्लेख छ । चेक रिपब्लिकको प्रागमा फिल्मलाई सिक्वेलको सेटिङको रुपमा प्रस्तुत गरिएको छ । प्रवीण झा निर्देशित फिल्मले नर्सको व्यवसायिक जीवनमा अन्जानवश हुने दुर्घटनापछि उसले भोग्नुपर्ने बदलाको कथा भन्छ ।
source https://www.onlinekhabar.com/2022/12/1240777
0 comments:
Post a Comment