काठमाडौं । नेपाल स्काउट राष्ट्रिय तदर्थ समितिका संयोजक लोकबहादुर भण्डारीलाई मलेशियन स्काउट महासंघ (पीपीएम)ले इन्टरनेशनल फ्रेन्डसिप गोल्ड अवार्डबाट सम्मान गरेको छ ।
बी-पी हाउस क्वालालम्पुरमा आयोजित समारोहमा स्काउटिंग अभियानमा योगदान पुर्याउने भण्डारीसहित पाँच जनालाई सम्मान गरिएको हो ।
पीपीएमका कार्यवाहक प्रमुख स्काउट मेजर जेनरल प्रा. दातो डा. मोहम्मद. जिन बिन बिदिनले उक्त विभूषण प्रदान गरे । भण्डारी यो अवार्डबाट सम्मानित हुने पहिलो नेपाली हुन् ।
विगत लामो समयदेखि भण्डारीले नेपाल स्काउट तथा विश्वस्काउटको क्षेत्रमा गरेको योगदानको कदर गर्दै मलेसिया स्काउटले यो सम्मान प्रदान गरेको हो ।
नेपालमा सुस्ताउँदै गएको स्काउट अभियान भण्डारी नेतृत्वमा आए यता तुलनात्मकरूपमा क्रियाशील भएको छ ।
नेपाल स्काउटको संघीय ढाँचा अनुरूपको पुनर्संरचना, स्रोतको वृद्धि र अन्तर्राष्ट्रिय सम्बन्धको सुधारलगायतका कार्यहरु भण्डारीको नेतृत्वमा भएका छन् ।
source https://www.onlinekhabar.com/2023/05/1313298
0 comments:
Post a Comment