४ जेठ, हेटौंडा । हेटौंडा उपमहानगरपालिकाको मतगणनाका क्रममा मतपत्रमा मार्करले ‘नो भोट’ लेखेको फेला परेको छ । हेटौंडाको मुख्य बजार क्षेत्र पर्ने वडा नम्बर ४ का वासिन्दाले स्वस्तिक छाप लगाउनुपर्ने ठाउँमा मार्करले ‘नो भोट’ लेखेको फेला परेको हो ।
दुई वटा मतपत्रमा ‘नो भोट’ लेखेको पाइएको मुख्य निर्वाचन अधिकृतको कार्यालयले जनाएको छ । मतको पर्खाइमा रहेको प्रतिनिधिहरुले गणकले मतपत्रमा मत होइन मार्करले कोरेर छोडेको बताएपछि हलमा रहेको सबै चकित परेका थिए ।
मतपत्रमा मार्करले ‘मेरो मत, चोर नेतालाई नो भोट’ भनेर लेखिएको छ । मतगणनाको क्रममा यस्तो मत पत्र भेटिएपछि हलमा रहेका उम्मेदवारको प्रतिनिधिहरु माझ हाँसो गुञ्जिएको थियो ।
पछिल्लो समय नेपालमा पनि ‘नो भोट’को विषयमा बहस भइरहेको छ । सर्वोच्च अदालतले नो भोटको व्यवस्था गर्न फैसला गरेपनि कार्यान्वयनमा ल्याउन निर्वाचन आयोगले सकेको छैन ।
source https://www.onlinekhabar.com/2022/05/1129624
0 comments:
Post a Comment