१३ फागुन, धनगढी । कैलालीमा प्रहरीले १३ किलो लागुऔषध चरेसहित एक जनालाई पक्राउ गरेको छ ।
बिहीबार सुदूरपश्चिम प्रदेश प्रहरी कार्यालय र जिल्ला प्रहरी कार्यालयबाट खटिएको संयुक्त टोलीले चुरे गाउँपालिका-५ लिसबेलीका ७० वर्षीय आइते जाग्रीलाई पक्राउ गरेको हो ।
जाग्रीको घरमा खानतलासी गर्दा १२ पोका कालो प्लाष्टिकमा बेरेको अवस्थामा लागुऔषध (चरेस) बरामद गरिएको प्रहरीले जनाएको छ ।
उनलाई इलाका प्रहरी कार्यालय मालाखेतिमा नियन्त्रणमा राखेर थप अनुसन्धान भइरहेको प्रहरीले जनाएको छ ।
source https://www.onlinekhabar.com/2022/02/1084866
0 comments:
Post a Comment