१६ फागुन, काठमाडौं । एलन मस्क पुनः विश्वको सबैभन्दा धनी व्यक्तिको सूचीमा परेका छन् । ब्लुमबर्गको दाबी अनुसार एलन मस्क विश्वका धनाढ्यहरुको सूचीको दोस्रो स्थानबाट पुनः पहिलो स्थानमा उक्लिएका हुन् ।
टेस्लाका सीईओ मस्कलाई गत वर्षको डिसेम्बरमा फ्रान्सका बर्नार्ड अर्नाल्टले पछि पारेका थिए । ब्लुमबर्गको सूचीमा दुई महिनासम्म बर्नार्ड अर्नाल्ट पहिलो र मस्क दोस्रो स्थानमा थिए । अहिले फेरि मस्कलाई पहिलो स्थानमा राखिएको छ ।
ब्लुमबर्गको दाबी अनुसार सोमबारसम्म मस्कको कुल सम्पत्ति १८७.१ बिलियन डलर र अर्नाल्टको सम्पत्ति १८५.३ बिलियन डलर छ ।
गत वर्ष मस्कको स्वामित्वमा रहेको टेस्ला कम्पनीको शेयर बजारमा गिरावट आएको थियो । साथै ट्वीटरमा पनि समस्या आएको थियो ।
गत वर्षको अन्त्यमा उनले २०० मिलियन डलरको सम्पत्ति गुमाएका थिए । नोभेम्बर २०२१ मा उनी करिब ३४० बिलियन डलर सम्पत्तीका मालिक थिए । तर डिसेम्बर २०२२ मा उनको सम्पत्ति १३७ बिलियन डलरमा झरेको थियो ।
source https://www.onlinekhabar.com/2023/02/1270047
0 comments:
Post a Comment