४ फागुन, काठमाडौं । प्रिमियर लिगमा बुधबार राति भएको शीर्ष स्थानको आर्सनल र दोस्रो स्थानको म्यानचेष्टर सिटी बीचको खेलमा सिटी विजयी भएको छ ।
आर्सनललाई उसैको मदानमा ३-१ ले पराजित गर्दै सिटी शीर्ष स्थानमा उक्लेको छ ।
सिटी र आर्सनलको समान ५१ अंक भए पनि गोल अन्तरमा सिटीले आर्सनललाई पछि पारेको छ ।
यद्यपि सिटीले एक खेल बढी खेलेको छ । सिटीले २३ र आर्सनलले २२ खेल खेलेको छ ।
सिटीका केभिन डे ब्रुएनाले २४औं मिनेटमा गोल गर्द अग्रता दिलाएका थिए । तर ४२औं मिनेटमा आर्सनलका बुकायो साकाले पेनाल्टीमार्फत बराबरी गोल फर्काए ।
७२औं मिनेटमा ज्याक ग्रेलिसले गोल गरेपछि सिटीले फेरि अग्रता लियो । ८२औं मिनेटमा एर्लिन हालान्डले डे ब्रुएनाको पासमा गोल गर्दै सिटीको जित पक्का गरे ।
source https://www.onlinekhabar.com/2023/02/1263808
0 comments:
Post a Comment