आफ्नो सुन्दरताको कारण सधै नै चर्चामा रहने बलिउड नायिका ऐश्वर्या राय बच्चन आज ४८ औं जन्मदिन मनाउँदैछिन् । सन् १९९४ मा विश्व सुन्दरीको ताज हासिल गरेपछि ऐश्वर्याको चर्चा पनि चुलिएको हो । यसपछि, उनले बलिउडमा पनि आफ्नो क्रेज बनाइन् ।
तर, ऐश्वर्यालाई विश्व सुन्दरी बनेपछि मात्र बलिउडबाट अफर आउन थालेको भने होइन । उनलाई सानै उमेरमा थुप्रै सफल ब्यानरले चलचित्रमा अफर गरेका थिए । तर, उनले कैयौं ठूला प्रोजेक्टहरुलाई छाडेकी थिइन् ।
ऐश्वर्यालाई पहिलो पटक मोडलिङको उमेर उनी ९ कक्षामा अध्ययन गर्दा नै मिलेको थियो । उनले, विश्वका चर्चित ब्रान्डको विज्ञापनमा काम गरिन् । सन् १९९४ मा ‘मिस इन्डिया’मा फस्ट रनरअप बनेपछि ऐश्वर्याले विश्व सुन्दरीको ताज जितेकी थिइन् । यसपछि, उनले थुप्रै चलचित्रबाट अफर पाइन् ।
ऐश्वर्याले भारतीय मिडियालाई दिएको अन्तरवार्तामा खुलासा गरे अनुसार, उनलाई विश्व सुन्दरी बन्नु अगाडि नै ‘राजा हिन्दुस्तानी’ जस्ता चलचित्रको अफरलाई अस्विकार गरेकी थिइन् । ऐश्वर्याले सन् १९९७ मा चलचित्र ‘इरुवर’बाट बलिउडमा डेब्यू गरेकी थिइन् । यस्तै, उनले यही बर्ष नै ‘और प्यार हो गया’मा काम गरिन् । यी दुबै चलचित्र बक्स अफिसमा असफल भए ।
विश्व सुन्दरी बनेपछि ऐश्वर्या थुप्रै चलचित्रको प्रिमियरमा सहभागी भएकी थिइन् । सोही समयमा उनको भेट निर्देशक संजयलिला भन्सालीसँग भयो । संजय चलचित्र ‘हम दिल दे चुके सनम’का लागि नयाँ नायिकाको खोजीमा थिए । सुरुमा संजयले यो चलचित्रका लागि मनिषा कोइरालासँग काम गर्ने मन बनाएका थिए, तर ऐश्वर्यालाई देखेपछि उनको मन बदलियो । सन् १९९९ मा रिलिज भएको यो चलचित्रले ऐश्वर्याको करिअर नै बदलिदियो ।
यसपछि, ऐश्वर्यालाई पछाडि फर्किएर हेर्नुपरेन । ऐश्वर्याको नाम नायक सलमान खानसँग पनि लामो समयसम्म जोडियो । तर, सलमानसँगको प्रेममा असफल भएपछि ऐश्वर्याले नायक अभिषेक बच्चनसँग बिहे गरिन् । ऐश्वर्याको हातमा आज पनि चलचित्रको अभाव छैन । तर, विश्वमा उनी आफ्नो सुन्दरताको कारण नै प्रख्यात छिन् ।
source https://www.onlinekhabar.com/2021/11/1032821
0 comments:
Post a Comment